İki maşın toqquşdu: ölən var - Bakıda

Bakının mərkəzində ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, martın 13-də saat 15 radələrində Səbail rayonunun Ə.Yaqubov küçəsində Bakı şəhər sakinləri - Elşən Tahirovun və Əsədulla Novruzovun idarə etdikləri "Ford-Tranzit" və "Tofaş" markalı avtomobillər toqquşub. Nəticədə xəstəxanaya yerləşdirilən Ə.Novruzov orada ölüb. Faktla bağlı araşdırma aparılır.