İki maşın toqquşdu: ölən və xəsarət alan var - Bakı-Quba yolunda

Bakı-Quba-Rusiya Federasiyası yolunda ölümlə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə magistralın 73-cü km-də, Xızının Giləzi qəsəbəsi ərazisində qeydə alınıb. “Shacman” markalı yük maşını ilə “Skoda” markalı minik maşını toqquşub. Qəza nəticəsində İsmayılov Nizami Qulu oğlu ölüb, Cabbaova Süriyyə Vəli qızı isə xəsarət alıb. Faktla bağlı Baş Dövlət Yol Polis İdarəsinin istintaq və təhqiqat bölməsində cinayət işi açılıb, araşdırmalar davam etdirilir.