İki maşın toqquşdu: xəsarət alan var - Xaçmazda

Bu gün Xaçmaz rayonu ərazisində yol-nəqliyyat hadisəsi qeydə alınıb. Avtosfer.az apa-ya istinadən xəbər verir ki, hadisə Gəndob-Yalama yolunun Müzəffəroba kəndi ərazisindən keçən hissəsində qeydə alınıb. “Lada” və “VAZ 21099” markalı iki avtomobilin toqquşması nəticəsində bir nəfər xəsarət alıb. Xəsarət alan 1982-ci il təvəllüdlü Nazim Allahverdiyev  Xaçmaz Mərkəzi Rayon Xəstəxanasına çatdırılıb.

Faktla bağlı araşdırma aparılır.