İki maşın toqquşdu: xəsarət alanlar var - Bakı-Quba yolunda

Bakı-Quba-Rusiya Federasiyası dövlət sərhədi yolunda yol-nəqliyyat hadisəsi qeydə alınıb. Avtosfer.az apa-ya istinadən xəbər verir ki, qəza magistralın İqrıq kəndi ərazisindən keçən hissəsində baş verib. 40 BN 677 dövlət nömrə nişanlı, “QAZ 31” markalı avtomaşınla “NAZ Lifan” markalı avtomobil toqquşub. Qəza nəticəsində 3 nəfər müxtəlif dərəcəli bədən xəsarətləri alıb. Onlar xəstəxanaya yerləşdirilib, vəziyyətləri orta ağırdır.

Faktla bağlı araşdırmalar aparılır.