İki maşın toqquşdu: xəsarət alanlar var - Bakı-Quba yolunda

Bu gün Bakı-Quba yolunda yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə magistralın Siyəzən rayonu ərazisindən keçən hissəsində qeydə alınıb. “Toyota-Prado” markalı avtomaşınla “Zil” markalı yük maşını toqquşub. İlkin məlumata görə, qəza nəticəsində 4 nəfər müxtəlif dərəcəli bədən xəsarətləri alıb. Onlar Siyəzən Regional Diaqnostika Mərkəzinə yerləşdirilib. Fakt araşdırılır.