İki maşın toqquşdu: xəsarət alanlar var - Xaçmaz-Quba yolunda

Xaçmaz-Quba yolunda yol-nəqliyyat hadisəsi qeydə alınıb. Avtosfer.az-ın APA-ya istinadən verdiyi məlumata görə, yolun 2-ci km-də 27 BB 480 dövlət nömrə nişanlı avtomaşınla 27 BB 028 dövlət qeydiyyatlı “Mercedes” markalı minik maşını toqquşub. Nəticədə iki nəfər xəsarət alıb. Həmin şəxslər Xaçmaz Mərkəzi Rayon Xəstəxanasına yerləşdirilib, vəziyyətlərinin yaxşı olduğu bildirilir. Qəzanın səbəbləri araşdırılır.