İki minik avtomobili toqquşdu: bir nəfər ağır xəsarət alıb - Cəlilabadda

Cəlilabadda iki avtomobil toqquşub. Avtosfer.az-ın APA-ya istinadən verdiyi məlumata görə, hadisə Ələt –Astara yolunda Cəlilabad Diaqnostika Mərkəzinin yaxınlığında qeydə alınıb. “VAZ-2106” markalı minik avtomobili ilə  ”Mercedes “markalı minik avtomobili  toqquşub. Nəticədə “VAZ-2106”-nın  sərnişini,  Cəlilabadın Muğanlı kənd sakini 1995-ci il təvəllüdlü Əmənov Elmar Əlövsət oğlu müxtəlif dərəcəli bədən xəsarətləri alıb. Cəlilabad rayon Mərkəzi Xəstəxanasına yerləşdirilən E. Əmənovun vəziyyətinin ağır olduğu bildirilir. Fakt bağlı araşdırma aparılır.