İki qadını avtomobil vurdu - Şirvanda

Şirvan şəhərində yolu keçən qadınları avtomobil vurub. Avtosfer.az-ın APA-ya istinadən məlumatına görə, hadisə Şirvan şəhəri Məhəmməd Əmin Rəsulzadə küçəsində qeydə alınıb. Avtomobil yolu keçən Şirvan sakinləri, 1966-cı il təvəllüdlü İsmayılova Fəridə Ələkbər qızı və 1975-ci il təvəllüdlü  Əsədova Səbinə Tofiq qızını vurub. Hər iki qadın Şirvan şəhər xəstəxanasının travmatologiya şöbəsində yardım alıb. Onların həyatı üçün təhlükə yoxdur. Faktla bağlı Şirvan Polis Şöbəsində araşdırma aparılır.