İki qırıcı toqquşdu - ABŞ-da

ABŞ-ın Milli Qvardiyasına məxsus iki qırıcı F-16 təyyarəsi havada toqquşub. Avtosfer.az anspress-ə istinadən məlumatına görə, hadisə ABŞ-ın Corciya ştatı üzərində qeydə alınıb.

İnsident təyyarələrin təlim uçuşları həyata keçirdiyi zaman baş verib. 

Məlumata görə, pilotlar vaxtında təyyarələrdən katapult edə biliblər. Yerdə xəsarət alanlar barədə hələ ki, heç bir informasiya yoxdur.

Milli Qvardiya hadisənin hansı səbəblərdən baş verdiyini araşdırır. 

Bənzər hadisə bu ilin mayında da qeydə alınıb. ABŞ-da iki hərbi təyyarənin toqquşması nəticəsində dörd ekipaj üzvü xəstəxanaya yerləşdirilib.

ABŞ-ın iki hərbi təyyarəsi Şimali Karolina ştatının sahillərində qəzaya uğrayıb. 

Məlumata əsasən, sahildən 40 km aralıda, Atlantik okeanı üzərində təlim uçuşu zamanı “McDonnell Douglas F/A-18” tipli iki döyüş təyyarəsi toqquşaraq suya düşüb.

Bildirilib ki, qəza nəticəsində ölən olmayıb. Hər iki  təyyarənin xəsarət alan 4 nəfər ekipaj üzvü xilas olunaraq xəstəxanaya aparılıb.