İki sərnişin qatarı toqquşdu: 2 yaralı

Misirin Əl- Buheyra əyalətində iki sərnişin qatarı toqquşub. Avtosfer.az Rusiya mətbuatına istinadən xəbər verir ki, insident nəticəsində azı iki nəfər xəsarət alıb. Qəza zamanı iki vaqonun relsdən çıxdığı bildirilir. Hazırda xətt üzrə hərəkət edən qatarların hərəkəti dayandırılıb. Xəsarət alanlar xəstəxanaya çatdırılıb. 

Onların həyatlarına təhlükə olmadığı bildirilir.

Polis qəza ilə bağlı araşdırma aparır.