İki "VAZ 2107" toqquşdu: 3 yaralı - Göyçayda

Göyçay rayonunda 3 nəfərin ağır xəsarət alması ilə nəticələnən avtomobil qəzası baş verib. Avtosfer.az-ın APA-ya istinadən xəbərinə görə, hadisə bu gün səhər saatlarında Bakı-Şamaxı-Yevlax avtomobil yolunun 224-cü kilometrliyində, Göyçayın Ərəb kəndi ərazisində qeydə alınıb. İki “VAZ 2107” markalı minik avtomobillərinin toqquşması nəticəsində Mingəçevir sakini, 1946-cı il təvəllüdlü Məmmədov Oqtay Qafur oğlu və bacıları, 1953-cü il təvəllüdlü Əhmədova Elmira Qafur qızı, 1955-ci il təvəllüdlü Yusifova Svetlana Qafur qızı müxtəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdiriliblər. Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.