İki "VAZ" toqquşdu – 1 yaralı

"Yol ver" nişanının tələbini pozdu, qəzaya səbəb oldu.

Avtosfer.az kanals-ə istinadən xəbər verir ki, Şəkidə dünən axşam saatlarında bir nəfərin xəsarət alması ilə nəticələn yol qəzası baş verib.

Şəhərin Bağbanlar küçəsində 54 BG 312 dövlət nömrə nişanlı "VAZ 21 06" markalı avtomobillə 90 NT 566 dövlət nömrə nişanlı "VAZ 21 015" markalı avtomobil toqquşub. Qəza nəticəsində "VAZ 21 015" yol kənarına aşıb və yol nişanını əzib. "VAZ 21 06"nın sürücüsü isə yüngül xəsarət alıb. Qəzadan sonra hər iki avtomobil cərimə meydançasına aparılıb. 

İlkin ehtimala görə hadisəyə səbəb "VAZ 21 06"nın sürücüsünün "Yol ver" nişanının tələbini pozması olub. 

Faktla bağlı araşdırma aparılır.