İki yol qəzasında 14 nəfər ölüb

Hindistanın şimalında, Uttar-Pradeş ştatında son sutka ərzində iki yol qəzası nəticəsində 14 nəfər ölüb. Avtosfer.az-ın Trend-ə istinadən məlumatına görə, qəzalardan biri bu gün Mizrapur rayonunda qeydə alınıb. Yük avtomobilinin traktorla toqquşması nəticəsində 10 nəfər ölüb, 12 nəfər ağır xəsarət alıb. Daha bir yol-nəqliyyat hadisəsi Mathura şəhərində baş verib. Burada toy mərasiminə gedən minik avtomobili avtobusla toqquşub, nəticədə 4 nəfər hadisə yerində həlak olub.