İki yol qəzasında 18 nəfər ölüb, 9 nəfər yaralanıb

Boliviyada baş vermiş 2 yol qəzasında 18 nəfər ölüb, 9 nəfər yaralanıb. "Report"un məlumatına görə, bu haqda Sinxua agentliyi məlumat yayıb. Məlumata görə, ilk qəza ölkənin qərbində, Kilyakolo vilayətində baş verib. İçində 12 sərnişinin olduğu mikroavtobus avtobusla toqquşub. Nəticədə 9 nəfər ölüb. Ağır xəsarət almış iki nəfər xəstəxanaya yerləşdirilib. İlkin məlumata görə, hadisəyə səbəb mikroavtobusun idarəetməni itirməsi və qarşıdan gələn avtobusun yoluna çıxması olub. 

İkinci yol qəzası isə Potosi-Sukre şosesində baş verib. Avtobusun yoldan çıxaraq aşması nəticəsində 8 nəfər ölüb, 7 nəfər yaralanıb. Hadisənin hansı səbəbdən baş verməsi hələlik məlum deyil. Polis faktla bağlı araşdırma aparır.