İki yük avtomobili toqquşdu - Siyəzəndə

Siyəzəndə TIR qəza törədib, sürücü yaralanıb. Avtosfer.az xəbər verir ki, bu barədə Fövqəladə Hallar Nazirliyi (FHN) məlumat yayıb. Belə ki, Siyəzən rayonu ərazisində “RENO TIR” markalı yük avtomobili ilə “Ford” markalı yük avtomobili toqquşub. FHN-in Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq “RENO TIR” yük avtomobilində sıxılmış vəziyyətdə qalmış sürücünü çıxarıb və aidiyyəti üzrə təhvil verib. Faktla bağlı araşdırma aparılır.