İki yük avtomobili toqquşdu: xəsarət alan var - Salyanda

Bu gün Fövqəladə Hallar Nazirliyinin Böhran Vəziyyətlərində İdarəetmə Mərkəzinə Salyan rayonu, Ələt Astara yolunun 24-cü kilometrliyində “KAMAZ” markalı yük avtomobilinin yol kənarında dayanmış digər “KAMAZ” markalı yük avtomobili ilə toqquşması nəticəsində yol-nəqliyyat hadisəsinin baş verməsi barədə məlumat daxil olub. Avtosfer.az-ın Fövqəladə Hallar Nazirliyinin saytına istinadən verdiyi xəbərə görə, Muğan Regional Mərkəzinin xilasediciləri hadisə yerinə cəlb olunaraq, avtomobildə sıxılmış vəziyyətdə qalmış sürücünü çıxarıblar. O, aidiyyəti üzrə təhvil verilib. Əməliyyat saat 06:00-da başa çatıb.