İki yük maşını toqquşub - Hacıqabulda

Hacıqabulda iki yük maşınının toqquşması nəticəsində sürücülərdən biri yaralanıb. Avtosfer.az xəbər verir ki, bu barədə apa-nın Mil-Muğan bürosunun məlumatına görə, hadisə gecə saat 3.30 radələrində Bakı-Qazax magistralının 115-ci kilometrliyində, Hacıqabul rayonunun Pirsaat kəndi ərazisində qeydə alınıb.

Gəncə şəhər sakini, 1994-cü il təvəllüdlü Dünyamalıyev Elgün Etibar oğlunun idarə etdiyi daşla yüklənmiş “KamAz” markalı avtomobil digər “KamAz” markalı avtomobilə çırpılıb.

Maşında sıxılmış vəziyyətdə qalan E.Dünyamalıyevi Fövqəladə Hallar Nazirliyinin Hacıqabul Yanğından Mühafizə xidmətinin əməkdaşları xüsusi avadanlığın köməyi ilə çıxarıblar. Yaralı Şirvan şəhər xəstəxanasının travmatologiya şöbəsinə yerləşdirilib.

Faktla bağlı araşdırma aparılır.