İkisi azyaşlı olmaqla 6 nəfər yolda öldü

Krımda minik və yük avtomobillərinin toqquşması nəticəsində ikisi azyaşlı olmaqla 6 nəfər ölüb. Avtosfer.az apa-ya istinadən bildirir ki, qəza "Simferopol-Aluşta-Yalta" avtomagistralının Vinoqradnoye qəsəbəsi ərazisindən keçən hissəsində qeydə alınıb.

"KamAZ" yük avtomobili əks istiqamətdə hərəkət edən "Daewoo Lanos" markalı minik avtomobili ilə toqquşub. Qəza nəticəsində "Daewoo"da olan 6 nəfər ölüb. Onlardan ikisi, 2010 və 2012-ci il təvəllüdlü azyaşlılardır.

Hadisənin başvermə səbəbləri barədə məlumat verilmir.