İmişlidə avtomobil beton divara çırpıldı: yaralılar var - FOTO

İmişli rayonunda yol-nəqliyyat hadisəsi verib. Avtosfer.az “Report”a istinadən xəbər verir ki, hadisə ötən gecə şəhərin H.Əliyev prospektində qeydə alınıb.

Belə ki, Fərman Tofiq oğlu Hüseynov idarə etdiyi “Mercedes” markalı avtomobillə hərəkətdə olarkən idarəetməni itirib və avtomobil yoldan çıxaraq beton divara çırpılıb.

Qəza nəticəsində sürücü bədən xəsarətləri alıb, avtomobil isə yararsız hala düşüb.

Faktla bağlı araşdırma aparılır.