İmişlidə avtomobillə motosiklet toqquşub - VİDEO

İmişlidə iki nəfərin xəsarət alması ilə nəticələn yol qəzası baş verib. Avtosfer.az xəbər verir ki, bu barədə apa-nın Mil-Muğan bürosunun məlumatına görə, bu gün günorta saatlarında Heydər  Əliyev prospektində 1967-ci il təvəllüdlü Əhmədov Vüqar Firudin oğlunun  idarə etdiyi   "VAZ 2106" markalı avtomobillə 1978-ci il təvəllüdlü  Fərəcov Asim Mürşüd oğlunun idarə etdiyi motosiklet toqquşub.

Nəticədə motosikletin sürücüsü və sərnişin, 1971-ci il təvəllüdlü Baloğlanov Sahib Baloğlan oğlu müxtəlif  dərəcəli bədən xəsarətləri alıblar.

Onlar İmişli Rayon Mərkəzi Xəstəxanasına yerləşdiriliblər.

Faktla bağlı İmişli Rayon Polis Şöbəsində araşdırma aparılır.