İmişlidə günün ikinci qəzası: yaralılar var

İmişli rayonunda iki nəfərin yaralanması ilə nəticələnən yol qəzası baş verib. 

Avtosfer.az report-a istinadən bildirir ki, hadisə İmişli şəhər Heydər Əliyev prospektində qeydə alınıb. 

Belə ki, rayonun Şirinqum kəndinin sakini, 31 yaşlı Vahid Xəlil oğlu Cəfərov idarə etdiyi "VAZ-2107" markalı avtomobillə hərəkətdə olarkən "Mersedes" markalı avtomobillə toqquşub. Nəticədə "VAZ-2107"-nin sürücüsü və avtomobildə olan qardaşı, 32 yaşlı Xəlil Cəfərov müxtəlif dərəcəli bədən xəsarətləri alıb. Hər iki yaralı İmişli Rayon Mərkəzi Xəstəxanasına (RMX) çatdırılıb.

Faktla bağlı araşdırma aparılır.