İmişlidə iki minik avtomobili toqquşdu: 1 ölü

İmişlidə baş verən avtoqəzada 1 nəfər ölüb. APA-nın məlumatına görə,  axşam saatlarında İmişlinin Rəsullu kəndi ərazisində baş verən avtoqəzada sərnişin ölüb. “Mercedes” markalı avtomobillə “VAZ 2107” markalı avtomobilin toqquşması nəticəsində rayonun Rəsullu kənd sakini, 1994-cü il təvəllüdlü  Mustafayev Əmrah Üzeyir oğlu dünyasını dəyişib. Faktla bağlı İmişli rayon polis şöbəsində araşdırma aparılır.