İndoneziyadakı gəmi qəzasında itkin düşən 130 nəfərin axtarışları davam edir

İndoneziyada xilasedicilər Yava dənizində qəzaya uğrayan sərnişin gəmisində itkin düşən 130 nəfərin axtarışlarını ikinci gündür davam etdirirlər.

Avtosfer.az TASS-a istinadən xəbər verir ki, bu barədə yerli xilasetmə xidmətindən məlumat verilib.

Əldə olunan son məlumatlara əsasən, axtarış əməliyyatlarına 622 nəfər şəxsi heyət və 12-yə yaxın gəmi cəlb edilib.

Sentyabrın 14-də səhər saatlarına olan məlumata görə, hadisə nəticəsində 6 nəfər həyatını itirib, 107 sərnişin və heyət üzvü isə xilas edilib. Göyərtəsində 243 nəfərin olduğu "Virgo Transport 8" gəmisi ilə həftəsonu baş verən güclü fırtına zamanı əlaqə kəsilib.

Hazırda qəzanın başvermə səbəbləri ilə bağlı araşdırma aparılır.