İranda baş verən yol qəzasında 7 nəfər ölüb

İranda baş verən yol-nəqliyyat hadisəsində 7 nəfər ölüb. Avtosfer.az apa-ya istinadən xəbər verir ki, hadisə bu gün səhər  Səbzivar-İsfərayen magistral yolunda baş verib. “Prayd” markalı avtomobil  “Peykan” markalı avtomobillə toqquşub. Nəticədə avtomobillərin birində yanğın baş verib. Hadisə nəticəsində “Prayd” markalı avtomobildə olan 5 sərnişin və digər avtomobildə olan 2 sərnişin həyatını itirib. Səbzivar şəhərinin 320 min əhalisi var və Məşhəd şəhərindən 230 kilometr qərbdə yerləşir.  Qeyd edək ki, İran dünyada avtomobil qəzaları nəticəsində ən çox insan tələfatı olan ölkələrdəndir. Hər il minlərlə insan yol qəzalarında ölür. Xüsusilə Novruz bayramı günlərində yol qəzalarının sayı artır.