İstirahət günlərində baş verən yol qəzalarında: 2 ölü, 11 yaralı

Azərbaycanda istirahət günlərində baş verən yol-nəqliyyat hadisələrinin sayı açıqlanıb. Avtosfer.az-ın Daxili İşlər Nazirliyinə istinadən verdiyi məlumata görə, noyabrın 26-27-də respublika ərazisində 5 yol qəzası qeydə alınıb. Nəticədə 2 nəfər ölüb, 11 nəfər xəsarət alıb.

Bundan əlavə, Baş Dövlət Yol Polisi İdarəsinin (BDYPİ) Yol Patrul Xidmətinin (YPX) əməkdaşları ötən gün ərzində inzibati xəta törədən 4 745 sürücünü cərimələyiblər. Onlardan 52-si sükan arxasına sərxoş halda əyləşdiyinə, 1 nəfər isə avtoxuliqanlıq etdiyinə görə cəzalandırılıb.