İstirahət mərkəzinin qarşısında 49 yaşlı kişini maşın vurub öldürdü - Bakıda

Bakıda 49 yaşlı piyadanı avtomobil vurub. Avtosfer.az-ın Trend-ə istinadən məlumatına görə, hadisə aprelin 29-da saat 11 radələrində paytaxtın Binəqədi rayonu ərazisindəki "Həyat" İstirahət Mərkəzinin qarşısında baş verib. 1968-ci il təvəllüdlü - Dadaşov Tərlan Məmmədağa oğlu istirahət mərkəzinin qarşısından keçərkən naməlum avtomobil tərəfindən vurulub. T.Dadaşov aldığı xəsarətlərdən hadisə yerində keçinib. Faktla bağlı Binəqədi rayon Prokurorluğunda Cinayət işi başlanılıb.