İtkin düşmüş ABŞ dənizçilərinin meyiti tapıldı

ABŞ-a məxsus “Fitzgerald” esmines gəmisinin Filippinin ticarət gəmisi ilə toqquşması nəticəsində itkin düşmüş hərbi dənizçilərin meyiti aşkarlanıb. Cəsədlər gəminin batmış hissəsində tapılıb. Avtosfer.az-ın APA-ya istinadən verdiyi xəbərə görə, bu barədə ABŞ-ın 7-ci donanmasının məlumatında bildirilir. Bundan əvvəl insident nəticəsində 3 xəsarət aldığı, 7 nəfərin itkin düşdüyü bildirilmişdi. Qeyd edək ki, ötən gün Yaponiyanın Sidzyola prefekturasının Simoda limanı yaxınlığında (sahildən 20 km aralıda)  ABŞ-a məxsus “Fitzgerald” esmines gəmisi  Filippinin ticarət gəmisi ilə toqquşub.