İki avtobus toqquşdu - 20 nəfər xəsarət aldı

Almaniyanın Hamburq şəhərində iki avtobusun toqquşması nəticəsində azı 20 nəfər xəsarət alıb.

Avtosfer.az “Bild” qəzetinə istinadla xəbər verir ki, xəsarət alanlar arasında uşaqlar da var. Avtobuslardan birində məktəb gəzintisinə gedən 21 uşaq olub.

Hadisə yerinə polis və təcili tibbi yardım briqadaları cəlb edilib.

Qəza ilə bağlı araşdırma aparılır.