İki avtobus toqquşdu - Yaralılar var

Niderlandın Arnem şəhərində iki avtobusun toqquşması nəticəsində 4 nəfər xəstəxanaya yerləşdirilib.

Avtosfer.az news24.az-a istinadən xəbər verir ki, hadisə şəhər mərkəzinin kənarında, Normandi və Hilrandi küçələrinin kəsişməsində baş verib.

Hadisə yerinə 2 təcili yardım maşını cəlb edilib. Şimal-qərb təcili tibbi yardım xidməti bildirib ki, yaralılar Arnem mərkəzi xəstəxanasına çatdırılıb. Qeyd edilir ki, xəsarət alanların heç birinin vəziyyəti ağır deyil.