İki nəqliyyat vasitəsi ilə toqquşan “Tofaş” ikiyə bölündü: 1 ölü, 3 yaralı - FOTO

Türkiyənin Eskişehir bölgəsində üç nəqliyyat vasitəsinin iştirakı ilə yol qəzası baş verib. Avtosfer.az yerli KİV-ə istinadən xəbər verir ki, hadisə avqustun 26-da Eskişeher dairəvi yolunda qeydə alınıb.

Məlumata görə, hərəkətdə olan “Tofaş” markalı minik avtomobili, döngədə sürücünün idarəetməni itirməsi səbəbindən əks istiqamətə keçərək əvvəlcə TIR-la daha sonra isə başqa bir minik maşını ilə toqquşub.

Zərbənin təsirindən “Tofaş” iki hissəyə ayrılıb.

Qəza nəticəsində “Tofaş”ın 72 yaşlı sərnişini hadisə yerində ölüb, sürücü və daha 2 sərnişin isə xəstəxanaya aparılıblar.

Faktla bağlı araşdırma aparılır.

Namiq Musayev