İmişlidə ağır qəza: 3 ölü, 1 yaralı - FOTO - YENİLƏNİB

İmişli şəhərində baş verən ağır yol-nəqliyyat hadisəsi zamanı xəsarət alan şəxslərin vəziyyəti açıqlanıb.

Avtosfer.az oxu.az-a istinadən xəbər verir ki, Tibbi Ərazi Bölmələrini İdarəetmə Birliyindən (TƏBİB) bildirilib ki, avqustun ikisi İmişli rayonu ərazisində baş verən yol-nəqliyyat hadisəsi səbəbilə iki nəfər (kişi və qadın cinsli) İmişli Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"1964-cü il təvəllüdlü şəxsə (kişi cinsli) açıq kəllə-beyin travması, döş qəfəsinin qapalı travması, daxili orqanların zədələnməsi, III-IV dərəcəli travmatik şok, 2004-cü il təvəllüdlü şəxsə (qadın cinsli) qarının və döş qəfəsinin küt travması, daxili qanaxma diaqnozları təyin olunub.

Zəruri tibbi yardımlara və həkimlərin çoxsaylı səylərinə baxmayaraq, 1964-cü il təvəllüdlü şəxsin ölüm faktı qeydə alınıb.

2004-cü il təvəllüdlü şəxsə (qadın cinsli) zəruri tibbi yardımlar göstərildikdən sonra Şirvan Şəhər Mərkəzi Xəstəxanasına təxliyə olunub", - deyə məlumatda bildirilir.

***13:11
İmişli rayonunda ağır yol-nəqliyyat hadisəsi baş verib.

Avtosfer.az xəbər verir ki, qəza Qaralar kəndi ərazisində qeydə alınıb.

“VAZ-21099” markalı minik avtomobili, “MAN” və “Ford” markalı iki yük maşını toqquşub.

Hadisə nəticəsində 3 nəfər ölüb, biri isə yaralanıb. Xəsarət alan şəxs İmişli Rayon Mərkəzi Xəstəxanasına yerləşdirilib.

Faktla bağlı araşdırma aparılır.