"Jiquli" yük maşınına çırpıldı: ölən və yaralılar var

Avtosfer.az "kanals"-ə  istinadən xəbər verir ki, ötən gün saat 19:20 radələrində Bakı-Şamaxı-Yevlax magistral yolunun 115-ci km-də ağır yol qəzası qeydə alınıb. Qobustan rayonu ərazisində 1986-cı il təvəllüdlü Əmralıyev Hidayət Barat oğlu idarə etdiyi 90-ED-442 dövlət nömrə nişanlı "VAZ-2107" markalı avtomobillə Bakı istiqamətində hərəkətdə olarkən qəfildən idarəetməni itirib. İdarəetmədən çıxan avtomobil yol kənarında dayanmış ağır tonnajlı yük avtomobilinə çırpılıb. Nəticədə avtomobildə olan sərnişin, Sumqayıt sakini, 1982-ci il təvəllüdlü Əsgərov Ramin Qasım oğlu elə hadisə yerindəcə dünyasını dəyişib. Sürücü və avtomobildə olan digər sərnişin, Qobustan rayon sakini, 1992-ci il təvəllüdlü Əmralıyev Tural Əvəz oğlu isə müxtəlif dərəcəli bədən xəsarətləri ilə Qobustan RMX-yə yerləşdiriliblər. Qəzanın dəqiq olaraq hansı səbəbdən baş verdiyi bilinmir. 

Faktla bağlı Baş Dövlət Yol Polisi İdarəsinin istintaq bölməsi tərəfindən araşdırmalar aparılır.