"KamAZ" 42 yaşlı qadını vurdu: sürücü qaçıb - Abşeronda

Abşeron rayonunda 42 yaşlı qadını "KamAZ" vurub, sürücü qaçıb. Avtosfer.az "Report"a istinadən xəbər verir ki, hadisə Mehdiabad qəsəbəsində qeydə alınıb.

Belə ki, yolu keçmək istəyən 1974-cü il təvəllüdlü Mustafayeva Gülbəniz Rafiq qızını yoldan keçən "KamAZ" markalı yük avtomobili vurub. Qadın ağır xəsarət alıb. Yük avtomobilinin sürücüsü hadisə yerindən qaçıb. Ətrafdakıların köməkliyi ilə G.Mustafayeva 1 saylı Şəhər Klinik Xəstəxanasına yerləşdirilib. Onun vəziyyəti ağırdır.

Faktla bağlı Abşeron Rayon Polis İdarəsində araşdırma aparılır.