“KamAZ”-ın vurduğu piyadanı taksi xəstəxanaya apardı – VİDEO

Bakının Binəqədi rayonu ərazisində yaşlı qadını "KamAZ" markalı yük maşını vurub. Avtosfer.az ARB TV-yə istinadən xəbər verir ki, 1958-ci il təvəllüdlü Hacıyeva Nazxanım sürücü tərəfindən taksi ilə ağır vəziyyətdə xəstəxanaya aparılıb. Həkimlər onun vəziyyətini orta-ağır qiymətləndirirlər. Sürücü bildirib ki, yol qaranlıq olub və piyada anidən qarşısına çıxıb. Faktla bağlı Binəqədi Rayon Polis İdarəsində sürücünün izahatı alınıb.