"KamAZ" piyadanı vuraraq öldürdü - Bakıda

Sabunçu rayonunda yük avtomobili 41 yaşlı kişini vuraraq öldürüb. Avtosfer.az "Report"a istinadən xəbər verir ki, hadisə Maştağa qəsəbəsində qeydə alınıb.

Belə ki, Maştağa-Bilgəh yolu ilə hərəkət edən "KamAZ" markalı yük avtomobili yolu keçmək istəyən Əliyev Habil Əlibala oğlunu vurub. Ağır xəsarət alan şəxs 3 saylı Şəhər Klinik Xəstəxanasına yerləşdirilib. H.Əliyev xəstəxanada dünyasını dəyişib.

Faktla bağlı Sabunçu Rayon Polis İdarəsində (RPİ) araşdırma aparılır.