"Kamaz" təkərinin partlaması nəticəsində sürücü ağır xəsarət alıb - Hacıqabulda

Hacıqabulda bədbəxt hadisə nəticəsində 1 nəfər ağır xəsarət alıb. Avtosfer.az “Report”a istinadən xəbər verir ki, hadisə bu gün səhər saatlarında rayonun Qarasu və Muğan kəndi arasında qeydə alınıb. Goranboy sakini, 27 yaşlı Aqil Münasib oğlu Həsənov idarə etdiyi “Kamaz” markalı avtomobilin təkərini dəyişmək üçün qaldırıcı krandan istifadə edib. Elə bu zaman təkər partlayıb və onun boltu zərblə sürücünün baş nahiyəsinə çırpılıb və onu ağır yaralayıb. Hadisə yerinə "təcili yardım" əməkdaşları cəlb olunub. Faktla bağlı araşdırma aparılır.