“Kamaz" və “QAZ 24”lə toqquşdu: xəsarət alan var - Goranboyda

Goranboy rayonunda xəsarətlə nəticələnən avtomobil qəzası baş verib. Avtosfer.az-ın APA-ya istinadən verdiyi məlumata görə, hadisə rayonun Nadirkənd kəndinə gedən yolda  qeydə alınıb. “KamAZ” və “QAZ 24” markalı avtomobillərin toqquşması nəticəsində minik avtomobilinin sürücüsü xəsarətlər alaraq xəstəxanaya yerləşdirilib. Ona tibbi yardım göstərilib. Vəziyyətinin kafi olduğu bildirilir. Faktla bağlı hüquq-mühafizə orqanları tərəfindən araşdırma aparılır.