Kanadada təyyarə yerə çırpıldı

Kanadanın Britaniya Kolumbiyası əyalətində yüngül mühərrikli təyyarənin qəzaya uğraması nəticəsində qadın və kişi dünyasını dəyişib.

Avtosfer.az "report"a istinadən xəbər verir ki, dördyerlik "Rockwell 112D" təyyarəsi Traut gölü yaxınlığındakı vadidə aşkar edilib.

Hava gəmisinin marşrutu ölkənin qərbində yerləşən Keloun şəhərindən Saskaçevan əyaləti istiqamətində olub. Kanadanın Nəqliyyatda Təhlükəsizlik Şurasının ilkin məlumatına görə, təyyarə sərt bucaq altında yerə çırpılıb. İnsidentin səbəbləri araşdırılır.