Keçiddən istifadə etməyən piyada qəzaya səbəb oldu - FOTO

Abşeron rayonunda keçiddən istifadə etməyən şəxs avtomobil qəzasına səbəb olub. Avtosfer.az "Report"a istinadən xəbər verir ki, hadisə Xırdalan şəhəri Heydər Əliyev prospektində baş verib. 10 GA 256 dövlət qeydiyyat nişanlı "Azsamand" markalı avtomobil idarəetmədən çıxaraq səkiyə çırpılıb. Nəticədə avtomobil deformasiyaya uğrayıb. Sürücü yüngül bədən xəsarətləri alıb. Hadisə yerinə Yol Patrul Xidmətinin (YPX) əməkdaşları cəlb edilib. Araşdırmalar zamanı məlum olub ki, piyada qəfildən yola çıxıb. "Azsamand" markalı avtomobilin sürücüsü piyadanı vurmamaq üçün maşını səkiyə çırpıb.

Faktla bağlı araşdırma aparılır.