Keçidin yaxınlığında qayda pozub qəza törətdilər; piyada qəzadan son anda xilas oldu - VİDEO

Paytaxtın Sabunçu rayonu, Zabrat yolunda baş vermiş qəza avtomobilin videoregistratoruna düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Kadrdan da göründüyü kimi, 10-OX-140 dövlət nömrə nişanlı “Nissan Patrol” markalı avtomobilin sürücüsü qoşa xəttin üzəri ilə hərəkət edib. Düzgün ara məsafəsi təyin etməyən sürücü öndəki “VAZ”la toqquşmamaq üçün sola manevr edib və piyada keçidini görərək son anda dayanıb. Bu vaxt görüntünü qeydə alan maşındakı sürücü eyni qaydanı pozaraq “Nissan”a çırpılır. Zərbənin təsirindən “Nissan” bir neçə metr irəli gedib və keçiddən keçən piyadaya təhlükə yaradıb. Xoşbəxtlikdən yolu keçən qadın ehtiyatlı davranaraq qəzadan xilas ola bilib. 

Nərmin