“KİA” “Niva” ilə toqquşdu - 3 yaralı - VİDEO

Kürdəmirdə yol-nəqliyyat hadisəsi baş verib. Avtosfer.az Region TV-yə istinadən xəbər verir ki, hadisə səhər saatlarında Bakı-Qazax magistral yolunun 192-ci kilometrliyində, Kürdəmir rayonunun Atakişilər kəndi ərazisindən keçən hissəsində qeydə alınıb. Bərdə rayon sakini Mahir Bayram oğlu Bəndəliyev idarə etdiyi "KİA" markalı minik maşını ilə əks istiqamətdə hərəkətdə olan Ağcabədi rayon sakini Şahin Şirin oğlu Bayramovun idarə etdiyi "NİVA" markalı avtomobil toqquşub. Nəticədə, "NİVA"-nın sürücüsü və "KİA"-da olan Bərdə rayon sakinləri, Seymur Bayram oğlu İsrafilov və Təbiyyət Surxay oğlu Şirinov müxtəlif bədən xəsarətləri alıblar. Onlar ağır vəziyyətdə Kürdəmir Mərkəzi Rayon Xəstəxanasının tramatologiya şöbəsinə çatdırılıblar. Faktla bağlı araşdırma aparılır.