Kiçikmühərrikli təyyarə qəzaya uğradı - 4 ölü

İyulun 5-də Münxen yaxınlığından havaya qalxan kiçikmühərrikli təyyarə Avstriyanın Zalsburq əyalətinin Pintsqau rayonunda qəzaya uğrayıb.

Avtosfer.az xəbər verir ki, meşə ərazisinə düşərək yanan təyyarənin göyərtəsindəki dörd nəfərin hamısı qəza nəticəsində həlak olub. Ərazinin mürəkkəb dağlıq relyefi xilasedicilərin qəza yerinə çatmasını çətinləşdirib və yanğın qismən meşə ərazisinə keçib.

Hazırda qəzanın baş vermə səbəbləri araşdırılır və həlak olanların identifikasiyası aparılır.