Kişi öz maşınının yanında bıçaqlandı - Lənkəranda

Lənkəran şəhərinin Velədi kəndində bıçaqlanma hadisəsi baş verib.  Avtosfer.az anspress-ə istinadən xəbər verir ki, 56 yaşlı Şəmsəddin Məmmədov həmkəndlisi tərəfindən bıçaqlanıb.

Hadisəni törətməkdə şübhəli bilinən İsaq Miriyev Şəmsəddini öz məhəlləsində şəxsi avtomobilinin yanında bıçaqlayaraq ərazidən qaçmağa nail olub. Aldığı  xəsarətlərdən çoxlu qan itirən Şəmsəddin Məmmədovu ağır vəziyyətdə şəxsi avtomobilində hadisə şahidləri  rayon mərkəzi  xəstəxanasına çatdırıb və xəstə dərhal əməliyyata götürülüb.  Yaralının vəziyyəti ağır olaraq qalır.

Hadisəni törətməkdə şübhəli bilinən  42 yaşlı İsaq Miriyev çox da uzağa gedə bilməyib. O, səhər saatlarında rayon hüquq-mühafizə orqanları tərəfindən saxlanılaraq istintaqa təhvil verilib.

İlkin istintaqa verdiyi ifadəsində o, münaqişənin aralarında baş verən şəxsi münasibətlər zəminində baş verdiyini deyib.

Qanlı olayın təfərrüatları Lənkəran rayon polis şöbəsində aparılan araşdırma zamanı ortaya çıxacaq.