Kobud qayda pozan “Prius” “Opel”i vurub zolağından çıxartdı - ANBAAN VİDEO

Xəzər rayonunda qayda pozan sürücü qəzaya səbəb olub.

Avtosfer.az-ın məlumatına görə, hadisə fevralın 12-si saat 09:22 radələrində Zaqulba yolu ilə Bilgəh qəsəbəsi istiqamətində qeydə alınıb.

Videodan göründüyü kimi, 10-HY-276 dövlət nömrə nişanlı “Toyota Prius” markalı avtomobil, “Opel” markalı maşınla toqquşub. Qəzaya səbəb “Prius” sürücüsünün manevr qaydasını pozması olub. Belə ki, o, ən sağ zolağa keçmək istəyərkən hərəkətdə olan digər nəqliyyat vasitəsinə çırpılıb. Nəticədə hər iki avtomobilə maddi ziyan dəyib. Xoşbəxtlikdən sürücülər arasında xəsarət alan olmayıb.

Qeyd edək ki, qəzanın görüntüləri sosial şəbəkədə birmənalı qarşılanmayıb. Videoda manevr qaydasını pozan 144 nömrəli marşrut xətti üzrə hərəkət edən avtobus sürücüsü də qınaq obyektinə çevrilib. 

Nərmin