Körpü dəmir yolunun üzərinə aşdı - 12 yaralı

İsveçdə inşa olunan körpünün dəmir yolunun üzərinə uçması nəticəsində ən az 12 nəfər xəsarət alıb. Avtosfer.az istipress-ə istinadən xəbər verir ki, hadisə İsveçin mərkəzində yerləşən Dalarna şəhərində baş verib. Xəsarət alanlardan 4-nün vəziyyəti ağır qiymətləndirilir. Onlar helikopterlərlə xəstəxanaya çatdırılıb. Məlumata görə, hadisə yerində 15-20 nəfərin ola biləcəyi ehtimal edilir. Ona görə də xəsarət alanların dəqiq sayı hələ bilinmir. Hadisə yerinə xilasedicilər və tibb işçilərinin olduğu 2 helikopter gəlib. Hadisə baş verdiyi yerdə qatarların hərəkəti müvəqqəti olaraq dayandırılıb.