Küçənin ortasında “fontan” - 13 avtomobil yararsız hala düşdü - VİDEO

Su borusunun partlaması küçəni savaş meydanına çevirdi. Görüntülər Rusiyanın paytaxtı Moskvada lentə alınıb. Avtosfer.az atv.az-a istinadən xəbər verir ki, müşahidə kamerasından anbaan lentə alınan kadrlarda yüksək təzyiqli suyun fontan vurması əks olunub. Bu zaman küçədə park edilən 13 maşına ciddi ziyan dəyib. Bundan başqa ərazidə böyük çuxur əmələ gəlib. Qəribə olayda tək təsəlli, hadisə baş verən zaman küçədə heç kəsin olmaması və hər hansı tələfatın qeydə alınmaması olub. Asfalt yolu dağıdan su xəttinin partlaması ilə bağlı müxtəlif fərziyyələr danışırlar. Sakinlər həmin boruların uzun illərdir ki, dəyişilmədiyini və hadisəyə bunun səbəb olduğunu bildirirlər.