Kürdəmirdə üç maşın toqquşdu

Kürdəmirdə zəncirvari yol-nəqliyyat hadisəsi baş verib. APA-nın xəbərinə görə, hadisə şəhərin Heydər Əliyev prospektində qeydə alınıb. Kürdəmir rayon sakinləri, 1983-ci il təvəllüdlü Fariz Fazil oğlu Cəfərovun idarə etdiyi “Lada Priora” 1953-ci il təvəllüdlü Əjdər Abbas oğlu Məmmədovun idarə etdiyi “Nissan” la toqquşub. Daha sonra “Lada” markalı minik maşını 1962-ci il təvəllüdlü Cəfər Tapdıq oğlu Cəfərovun yol kənarında saxladığı “VAZ-2106” markalı maşına çırpılıb. Hadisə zamanı xəsarət alan olmasa da, hər 3 maşın yararsız hala düşüb. Faktla bağlı araşdırma aparılır.