Lənkəran sakini avtobusdan yıxılaraq ağır xəsarət alıb  

Lənkəran rayonunda yerli sakin avtobusdan yıxılaraq ağır xəsarət alıb. Avtosfer.az-ın "Report"a istinadən məlumatına görə, rayonun Ləj kəndindən şəhər istiqamətində hərəkətdə olan sərnişin avtobusu Aeroport yaxınlığında saxlayıb və sərnişin düşürüb. Sərnişinlərdən biri - Bağdagül Qasımova avtobusdan düşərkən yıxılıb, nəticədə ağır xəsarət alıb.

Yaralı dərhal Lənkəran Rayon Mərkəzi Xəstəxanasına yerləşdirilib.

Xəstəxanadan "Report"un  yerli bürosuna bildirilib ki, yaralı kəllə-beyin travması alıb, vəziyyəti ağırdır.