Lənkəranda 8 yaşlı uşağı maşın vurub - FOTO

Lənkəranda 8 yaşlı piyadanın vurulması ilə nəticələnən yol-nəqliyyat hadisəsi baş verib. 

Avtosfer.az xəbər verir ki, bu barədə "Report"un Cənub bürosu xəbər verir ki, qəza şəhərin Hacı Zeynalabdin Tağıyev küçəsində qeydə alınıb. 

Belə ki, Lənkəran şəhəri, Səttarxan küçəsi, 102 ünvanında yaşayan, 1960-cı il təvəllüdlü Rəfail Mirzəli oğlu Rzayev idarə etdiyi 90-NG-068 dövlət qeydiyyatı nömrə nişanlı "VAZ-21015" markalı avtomobillə şəhərin Hacı Zeynalabdin Tağıyev küçəsinin sakini, 2008-ci il təvəllüdlü Zəhra Müşviq qızı Teymurlunu vurub. 

Yaralı sol baldır sümüyünün sınığı diaqnozu ilə Lənkəran Şəhər Mərkəzi Xəstəxanasına yerləşdirilib. 

Faktla bağlı araşdırma aparılır.