Lənkəranda ağaca çırpılan avtomobilin sürücüsü ölüb - FOTO

Lənkəranda baş vermiş qəzada sürücü ölüb.

Avtosfer.az-ın APA-ya istinadən verdiyi xəbərə görə, hadisə gecə saatlarında köhnə Ələt-Astara magistralında, Lənkəran rayonu Liman şəhəri ərazisində qeydə alınıb.

Belə ki, Lənkəran rayon Zövlə kənd sakini 1962-ci il təvəllüdlü Elşad Kişi oğlu Salayev sükanı arxasında olduğu "VAZ-2106" markalı, 42-CD-389 dövlət nömrə nişanlı avtomobillə hərəkətdə olarkən idarəetməni itirib.

Nəqliyyat vasitəsi, yol kənarındakı kanala düşərək ağaca çırpılıb. Qəza nəticəsində sürücü E. Salayev hadisə yerində ölüb. Onun meyiti aidiyyəti üzrə təhvil verilib.

Bildirilir ki, qəzadan öncə sürücü ürəktutmadan ölüb və qəza qaçılmaz olub.

Ölümün dəqiq səbəbləri ekspertizanın verəcəyi rəydən sonra məlum olacaq.

Qeyd edək ki, Elşad Salayev Lənkəranda tanınmış avtomobil ustası olub.

Faktla bağlı araşdırma aparılır.